Astanada demalys kúnderi rólge mas kúıinde otyrǵan 18 kólik júrgizýshi ustaldy - ІІD
ASTANA. 9 qańtar. QazAqparat - Elordada 7 jáne 8 qańtar kúnderi 18 mas júrgizýshi ustaldy, dep habarlaıdy Astana qalalyq Jol polıtsııasy basqarmasy.
«Demalys kúnderi Jol polıtsııasy qyzmetkerleri qaladaǵy jol qozǵalysyn sholý kezinde 1 091 jol erejelerin buzý faktisin anyqtady. Sonyń ishinde 18 júrgizýshi kólikti alkogoldi ishimdikti iship aıdaǵany úshin ustaldy», - delingen baspasóz habarlamasynda.
Qalada jyldamdyq asyrǵan - 239, joldyń qarsy baǵytyna shyqqan - 10, qujatsyz kólik júrgizgen - 18, kólik basqaryp kele jatyp, uıaly telefonmen sóılesken 38 júrgizýshige ákimshilik hattamalar toltyryldy. 11 avtokólik aıyppul turaǵyna jetkizildi.
