Astanada demalys kúnderi nóser jaýyn jaýyp, qatty jel soǵady
ASTANA. QazAqparat - Demalys kúnderi Astana qalasynda daýyl turýy múmkin, dep habarlaıdy QazAqparat Qazgıdrometke silteme jasap.
Sınoptıkter Aqmola oblysynda 24-26 tamyz aralyǵynda jańbyr jaýady dep boljaýda. 24 tamyz kúndiz jáne 25 tamyz túnde keı jerlerde qatty nóser jaýýy yqtımal. Oblystyń birqatar óńirlerinde naızaǵaıly jańbyr jaýyp, soltústik-batystan jyldamdyǵy sekýndyna 15-20 metrge jetetin jel soǵady.
Astanada 24 tamyzda kúndiz jáne 25 tamyzda túnde qatty nóser jańbyr jaýady dep kútilýde. 24-26 tamyz aralyǵynda naızaǵaı oınap, 24 tamyzda soltústik-batystan jyldamdyǵy sekýndyna 15-20 metr bolatyn jel soǵady. 24-26 tamyz aralyǵynda kúndiz burshaq jaýýy múmkin.
Daýyl turý yqtımaldyǵy - 90-95%.
