Astanada demalys kúnderi kezekti aýylsharýashylyq jármeńkesi ótedi

ASTANA. QazAqparat - Astanada 29-30 qazan kúnderi ótetin kezekti aýylsharýashylyq jármeńkesinde ónimderin Aqmola oblysynyń kásipkerleri usynady, dep habarlaıdy QazAqparat elorda ákimdiginiń resmı saıtyna silteme jasap.

«Osy demalys kúnderi Aqmola oblysynyń óndirýshileri men óńdeýshi kásiporyndary elorda turǵyndary men qonaqtaryna 850 tonnadan astam joǵary sapaly ekologııalyq taza ónim usynady.

Onyń ishinde 200 tonnadan astam et jáne et ónimderi, 200 tonna kartop, 100 tonna sút jáne sút ónimderi, 100 tonna kókónis, 25 tonnadan astam un, 13 tonna jańa pisken balyq, 8 tonnadan astam kondıter ónimderi jáne nan ónimderi, shamamen 1 mln dana jumyrtqa, sondaı-aq oblysta óndiriletin basqa da ónimder bar», - delingen baspasóz málimetinde.

Jármeńkedegi ónimder baǵasy naryqtaǵydan 10-20 paıyzǵa tómen bolady.

Ótetin orny: «Astana-Arena» stadıonynyń janyndaǵy alań, Turan dańǵyly, 48.