Astanada demalys kúnderi qandaı mádenı sharalar uıymdastyrylady

Nur-Sultan ákimdiginen málim etkendeı, Qýyrshaq teatry kórermenderdi qazaq halqynyń «Er Tóstik» ertegisiniń jelisi boıynsha ótetin qoıylymǵa shaqyrady. Qoıylym 26, 27 maýsym kúnderi saǵat 12:00, 14:00 jáne 16:00-de ótedi.

Sáken Seıfýllın murajaıy bir apta boıy Instagram-daǵy paraqshada qazaq jazýshysynyń ómiri týraly tanymdyq aqparattar jarııalaıdy. Olardyń arasynda «Sákentanýshy tulǵalar» aıdarynan zertteý, S.Sefýllınniń «Taý ishinde» ániniń tarıhy týraly beınerolık, «Sáken jáne Alash» maqalasy, «Tar jol, taıǵaq keshý» romany týraly qyzyqty aqparattar, sondaı-aq murajaı boıynsha beıneekskýrsııa bar.

M. Gorkıı atyndaǵy Memlekettik akademııalyq orys drama teatry búgin, ıaǵnı 26 maýsym saǵat 18:00-de «Gogol.Peterbýrg» premerasyn qoıady.

Beıbitshilik jáne kelisim saraıynyń Atrıým zalynda búgin QR Táýelsizdiginiń 30 jyldyǵyna arnalǵan halyqaralyq fotokórme ótedi.

Táýelsizdik saraıynda QR Táýelsizdiginiń 30 jyldyǵyna oraı «Nur-Sultan beıneleri» atty kórme, «Elordaǵa arnalǵan syılyqtar» kádesyılarynyń ekspozıtsııasy ashyldy.

Sonymen qatar, demalys kúnderi «Demalys promenade» alleıasynda otbasylyq demalysty qyzyqty jáne kóńildi ótkizýge bolady. Búgin munda fıtnes jattyǵýlar uıymdastyrylady. Al erteń ıoga, zýmba, latynamerıkalyq bı, strıtbol jattyǵýlaryna qatysa alasyz.

Búgin jáne erteń saǵat 12.00-13.30 aralyǵynda Affarı aýmaǵynda Beıbitshilik jáne kelisim saraıy men «Jastar» saraıynyń balalar ujymdary óner kórsetedi. Art space aımaǵynda Tatar mádenı ortalyǵy Sabantoı merekesin ótkizedi.

«Jastar» teatry 26 maýsym kúni saǵat 20:00-de S.Dúısenbıevtiń «Mahabbat mınıatıýralary» atty teatrlandyrylǵan kontserttik baǵdarlamasyn qoıady.

Demalys kúnderi alleıada dástúrli jármeńkeler, kitap kórmeleri, sondaı-aq balalarǵa arnalǵan túrli ınteraktıvter ótkiziledi.

Aıta ketý kerek, oflaın formatta uıymdastyrylatyn is-sharalardyń bári sanıtarlyq normalardy saqtaı otyryp ótkiziledi.