Astanada demalys kúnderi aýyl sharýashylyǵy ónimderiniń jármeńkesi ótedi
ASTANA. QazAqparat - 15-16 shildede elordadaǵy «Qazaqstan» SS kólik turaǵynyń aýmaǵynda respýblıkanyń 4 óńirinen kelgen taýar óndirýshilerdiń qatysýymen kezekti jármeńke ótedi, dep habarlaıdy Astana ákimdiginińresmı saıty .
Aqmola, Qyzylorda, Atyraý, Batys Qazaqstan oblystarynyń taýar óndirýshileri naryqtaǵy baǵadan 10-15 paıyzǵa tómen baǵamen 600 tonna azyq-túlik ónimin usynady.
Máselen, jylqy etiniń 1 kelisin 1500 teńgege satyp alýǵa bolady, sıyr etiniń 1 kelisi 1250 teńge somasynda usynylmaq, suıyq maı 340 teńge kóleminde satylymǵa shyǵady.
Azyq-túlik óniminiń 35-ten astam túri usynylady: et jáne sút ónimderi, kókónis pen jemis-jıdekter, suıyq maı, kúrish, balyq jáne t.b.
Dástúr boıynsha jármeńke óńirlik shyǵarmashylyq ujymdardyń uıymdastyrýymen kontserttik baǵdarlamamen jalǵasyn tappaq.
Kelesi demalysta ótetin jármeńkege Atyraý, Aqtóbe, Ońtústik-Qazaqstan jáne Qostanaı oblystary keledi.
