Astanada demalys kúnderi aýa raıy +15°S deıin jylynady
ASTANA. QazAqparat - Elorda qar qursaýynan arylyp, kóktemniń shýaqty nuryna bólene túsýde. Qazgıdromet mamandarynyń habarlaýynsha, aldaǵy ýaqytta Astana qalasynda aýa raıy aıtarlyqtaı jyly bolady dep kútilýde. Demalys kúnderi aýa temperatýrasy +15°S kóteriledi. Bul týraly elorda ákimdiginiń resmı saıtynda habarlady.
Aýa raıy boljamyna sáıkes, búgin Astanada kóshpeli bult shyǵady. Shyǵystan 5-10 m/s jyldamdyqpen jel soǵady. Aýa temperatýrasy kúndiz +4;+6°S quraıdy.
Sársenbi kúni elordada kún jyly bolmaq. Kúndiz aýa temperatýrasy +6+8°S, al túnde -4;-6 °S kórsetedi.
Beısenbi kúni Astanada kún +11;+13°S deıin jylynady, kóshpeli bult shyǵady. Ońtústik-batystan 9-14 m/s jyldamdyqpen jel soǵady. Juma kúni túnde aýa temperatýrasy 0;-2°S, kúndiz +12;+14°S bolady.
Demalys kúnderi aýa raıy aıtarlyqtaı jylynady. Senbi kúni túnde aýa temperatýrasy +1;+3°S, al jeksenbi kúni túnde +2;+4°S bolmaq.
