Astanada demalys kúnderi 1 301 júrgizýshi jolda júrý erejesin buzdy
ASTANA. 10 qazan. QazAqparat - Demalys kúnderi Astana qalysynyń jol polıtseıleri jolda júrý erejesin buzǵan 1 301 júrgizýshini ustady. Bul týraly qalalyq ІІD Jol polıtsııasy basqarmasynan málim etti.
1 301 júrgizýshiniń 29-y kólikti mastyq kúıinde basqarǵany úshin, 17-si - joldyń qarama-qarsy betine shyǵyp ketkeni úshin, 25-i - temir tulparyn qujattarsyz aıdaǵany jáne 41-i - qozǵalys kezinde uıaly telefondy paıdalanǵany úshin toqtatyldy. Sondaı-aq, mejelengen jyldamdyqty asyrǵany úshin 93 júrgizýshige ákimshilik hattamalar toltyrylyp, 18 mashına aıyp turaǵyna jetkizildi.
