Astanada demalýǵa arnalǵan gamaktar ornatyldy
ASTANA. QazAqparat - AstanaArtFest úshinshi halyqaralyq zamanaýı óner festıvali aıasynda elordanyń Nurly jol jelekjolynda halyqtyń demalýyna arnalǵan gamaktar ornatyldy, dep habarlaıdy QazAqparat tilshisi.
«Bul qalalyqtar úshin tamasha syı, sebebi jasyl jelekke oranǵan oryndar óte az. Jelekjoldar halyqtyń tynyǵyp alý úshin taptyrmas oryn», - dedi festıval kýratory ıAna Malınovskaıa.
Sýretshiler men músinshiler ashyq alańdarǵa birneshe jańa týyndy qoıdy. Olardyń ishinde japondyq sáýletshi Shıno Shıkıto jasaǵan jyljymaly ústel, jartylaı kıiz úı sekildi zamanaýı aıaldamalar, balalar alańqaıy jáne jaryq ótpeleri bar.
Sondaı-aq, jelekjol boıynsha zamanaýı ómirdegi kóshpendilerdiń obrazyn kórsetetin jumystar qoıylǵan. Máselen, kún men jylqy sýretshilerdiń metall jáne kınetıkalyq jumystarynda kórinis tapqan. Dál osy jerde áıel kıiminen jasalǵan «Han Shatyr» oıyn-saýyq ortalyǵynyń kishireıtilgen úlgisin kórýge bolady. Ol qazaqtyń ulttyq bas kıimi sáýkeleni eske salady jáne áıeldiń róli qalaı ózgergenin aıtyp beredi. Keıbir ekspozıtsııalar qorshaǵan ortany plastıkpen lastaý máselesin kóteredi. Mysaly, jyldyń tórt mezgilin kórsetetin Sáýle Súleımenovanyń jyljymaly konstrýktsııadaǵy peızajy plastıkalyq paketterden jasalǵan. Osylaısha, sýretshi qazaq dalasyn plastık paketterdiń basyp ketýi múmkin ekenin eskertedi.
Festıvaldiń resmı ashylýy búgin keshki 20.00-de bastalady. Onda kórermender jaryq jáne ot shoýlaryn, horeografııalyq nómirlerdi tamashalaı alady. Qonaqtar arasynda QR tanymal balet ártisteri Dosjan Tabyldy jáne Jandos Áýbákirov bolady.
