Astanada demalys kúnderi «Soǵym-FEST» et jármeńkesi ótedi

ASTANA. KAZINFORM — Elordada 6-7 jeltoqsan kúnderi Aqmola, Abaı, Qaraǵandy, Túrkistan jáne Pavlodar oblystarynyń aýyl sharýashylyǵy ónimderin óndirýshilerdiń qatysýymen kezekti «Soǵym-FEST» et jármeńkesi ótedi. Bul týraly qala ákimdigi málim etti.

Jármeńke Alash tasjoly, 35B mekenjaıynda ornalasqan «Keryen Joly» saýda ortalyǵynyń avtoturaq aýmaǵynda uıymdastyrylady.

Osy kúnderi atalǵan saýda ortalyǵynda qala turǵyndaryna jaqsy tanys aýyl sharýashylyǵy jármeńkesi de ótedi. Munda elimizdiń túrli óńirlerinen kelgen jergilikti fermerler men óndirýshilerdiń ónimderi usynylady.

Qala turǵyndary men qonaqtary kókónis pen jemis-jıdek, et, un jáne sút ónimderi, nan-toqashtar, tabıǵı shyryndar, tosap, djem jáne basqa da kóptegen taýarlardy qoljetimdi baǵada satyp ala alady.

Jármeńke ár demalys kúni tańǵy 10:00-den keshki 19:00-ge deıin jumys isteıdi.

Qonaqtardyń yńǵaıy úshin jármeńke mańyna №7, 11, 39, 41, 45, 53, 59, 81, 307 jáne 317 baǵytyndaǵy avtobýstar qatynaıdy.

Aıta keteıik, buǵan deıin Qaraǵandydaǵy jármeńkede sharýalar 50 tonnadan asa sıyr etin usynǵan bolatyn.