Astanada demalys kúnderi «Soǵym-FEST» et jármeńkesi ótedi
ASTANA. KAZINFORM — Astanada aldaǵy demalys kúnderi, ıaǵnı 14-15 qarashada kezekti «Soǵym-FEST» et jármeńkesi ótedi. Elorda turǵyndary men qonaqtary otandyq aýyl sharýashylyǵy óndirýshilerinen et ónimderin deldalsyz ári tıimdi baǵada satyp ala alady, dep habarlaıdy qala ákimdiginiń resmı saıty.
Jármeńkege Aqmola, Abaı, Qaraǵandy, Pavlodar jáne Qazaqstannyń basqa da oblystarynan kelgen fermerlik sharýashylyqtar qatysady. Ettiń bir kelisi 3 300 teńgeden bastalady.
Jármeńke jyl sońyna deıin ár demalys kúnderi elordanyń úsh saýda alańynda ótedi:
• «Keruen Joly» saýda ortalyǵy – Alash tasjoly, 35B;
• «Et Álemi» saýda ortalyǵy – Alash tasjoly, 31/1;
• «Jurt» saýda ortalyǵy – Beıbarys Sultan kóshesi, 3.
14 jáne 15 qarasha kúnderi jármeńke saǵat 09:00-den 19:00-ge deıin jumys isteıdi.
Jármeńke ótetin oryndarǵa qoǵamdyq kólikpen jetýge bolady:
• «Keruen Joly» jáne «Et Álemi» saýda ortalyqtaryna: №7, 11, 39, 41, 45, 53, 59, 76, 81, 82, 120, 120A, 307 jáne 317;
• «Jurt» saýda ortalyǵyna: №2, 7, 13, 32, 42, 49, 50, 67 jáne 73.
Aıta keteıik, jármeńkeniń alǵashqy eki kúninde, ıaǵnı 7-8 qarashada shamamen 150 tonna et ónimi satyldy. Joba aıasynda barlyǵy 1 000 tonnadan astam et ónimin ótkizý josparlanyp otyr.
Jármeńke otandyq aýyl sharýashylyǵy óndirýshilerin qoldaýǵa, ónimdi deldalsyz satý joldaryn damytýǵa jáne elorda turǵyndaryn qoljetimdi baǵada sapaly azyq-túlikpen qamtamasyz etýge baǵyttalǵan.
Ótken aptada jármeńkege Aqmola, Abaı, Qaraǵandy, Pavlodar jáne elimizdiń basqa da oblystarynan kelgen aýyl sharýashylyǵy taýaryn óndirýshiler qatysty.
