Astanada demalys kúnderi aýyl sharýashylyǵy jármeńkesi ótedi
ASTANA.KAZINFORM — Astanada 16-17 mamyr kúnderi kezekti qalalyq aýyl sharýashylyǵy jármeńkesi ótedi, dep jazdy elorda ákimdiginiń resmı saıty.
Jármeńkede elimizdiń ár óńirinen kelgen jergilikti fermerler men óndirýshilerdiń ónimderi usynylady. Qala turǵyndary men qonaqtary kókónis, jemis-jıdek, et, un jáne sút ónimderin, nan-toqash, tabıǵı shyryndar, tosap, djem jáne basqa da taǵamdardy tıimdi baǵamen satyp ala alady.
Іs-shara 16-17 mamyr kúnderi saǵat 10:00–den 19:00–ge deıin Keryen Joly saýda ortalyǵy aýmaǵynda ótedi.
Kelýshilerdiń yńǵaıy úshin jármeńke ótetin orynǵa № 7, 11, 39, 41, 45, 53, 59, 81, 307, 317 avtobýs marshrýttary qatynaıdy.
Aıta keteıik, Almatyda mereke jáne demalys kúnderi azyq-túlik jármeńkeleri jumysyn jalǵastyrady.
