Astanada demalys kúnderi kezekti aýyl sharýashylyǵy jármeńkesi ótedi

ALMATY. KAZINFORM – Elordada 28 jáne 29 maýsym kúnderi kezekti qalalyq aýyl sharýashylyǵy jármeńkesi ótedi, dep habarlaıdy elorda ákimdiginiń resmı saıty. 

Jármeńkede Qazaqstannyń túrli óńirlerinen kelgen jergilikti fermerler men óndirýshilerdiń ónimi usynylady. Qala turǵyndary men qonaqtary kókónis pen jemis-jıdek, et, un jáne sút ónimderi, nan-toqash, tabıǵı shyryndar, tosaptar men djemder jáne basqa da ónimderdi tıimdi baǵamen satyp ala alady. 

Іs-shara 28 jáne 29 maýsym kúnderi saǵat 10:00-den 19:00-ge deıin Nurǵısa Tilendıev dańǵyly, 12a mekenjaıyndaǵy «Koktal» saýda-oıyn-saýyq ortalyǵynda ótedi. 

Aıta ketý kerek, elordada aýyl sharýashylyǵy jármeńkesi Beıbarys Sultan kóshesi, 23 («Rıo-de-Janeıro» turǵyn úı kesheniniń qarsy betinde) mekenjaıynda turaqty túrde jumys istep tur. Jármeńkedegiler kún saıyn saǵat 10:00-den 19:00-ge deıin turǵyndar men qala qonaqtaryn qarsy alýǵa daıyn. 

Kelýshilerdiń yńǵaılyǵy úshin jármeńke mańynan №2, 32, 49, 50, 73 baǵytyndaǵy avtobýstar júredi. Bul shara ótetin orynǵa jyldam jetýge múmkindik beredi.\

Buǵan deıin elordada bochchadan halyqaralyq týrnır ótetinin habarlaǵan edik.