Astanada demalys kúnderi qaı kósheler jabyq bolady
ASTANA. KAZINFORM – Astanadaǵy Kenesary kóshesi men A. Sembınov kóshesiniń qıylysynda jol tósemine ortasha jóndeý júrgiziledi, dep habarlaıdy elorda ákimdiginiń resmı saıty.
Osyǵan baılanysty 6-7 maýsym aralyǵynda atalǵan ýchaskede kólik qozǵalysy tolyqtaı jabylady.
Júrgizýshiler men jaıaý júrginshiler júrý baǵytyn aldyn ala josparlaýy jáne yqtımal ózgeristerdi eskerýi qajet. Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylady.
Eske sala keteıik, osyǵan deıin Astana kóshelerine Sofııa jáne Marko Polo ataýyn berý usynylǵanyn jazǵanbyz.
