Astanada demalys kúnderi aýyl sharýashylyǵy jármeńkesi ótedi
ASTANA. KAZINFORM — Astanada 20-21 maýsym kúnderi kezekti qalalyq aýyl sharýashylyǵy jármeńkesi ótedi, dep habarlaıdy qala ákimdiginiń resmı saıty.
Jármeńkede jergilikti fermerler men Qazaqstannyń túrli óńirlerinen kelgen óndirýshilerdiń ónimderi usynylady.
Qala turǵyndary men qonaqtary kókónister men jemis-jıdekterdi, et, un jáne sút ónimderin, nan-toqash ónimderin, tabıǵı shyryndardy, tosaptar men djemderdi jáne basqa da taýarlardy satyp ala alady.
— Іs-shara 20 jáne 21 maýsym kúnderi saǵat 10:00–den 19:00–ge deıin Alash tas joly, 35B mekenjaıynda ornalasqan «Keryen Joly» saýda ortalyǵynda ótedi. Kelýshilerdiń yńǵaılylyǵy úshin jármeńke ótetin orynnyń mańynan № 7, 11, 39, 41, 45, 53, 59, 81, 307 jáne 317 avtobýs baǵyttary qatynaıdy, — delingen habarlamada.
Budan buryn Pavlodarda azyq-túlik pen kókónis ónimderi qymbat baǵaǵa satylyp kelgeni belgili boldy.
