Astanada demalys kúnderi aýyl sharýashylyǵy jármeńkesi ótedi

ASTANA. KAZINFORM – Astanada 4 jáne 5 sáýir kúnderi kezekti aýyl sharýashylyǵy jármeńkesi uıymdastyrylady, dep jazdy elorda ákimdiginiń resmı saıty.

Jármeńkede jergilikti fermerler men Qazaqstannyń ártúrli óńirlerinen kelgen óndirýshilerdiń ónimderi usynylady. Qala turǵyndary men qonaqtary kókónister men jemis-jıdekterdi, et, un jáne sút ónimderin, túrli bálishter men tátti taǵamdardy, tabıǵı shyryndardy, tosaptar men djemderdi tıimdi baǵada satyp ala alady.

Іs-shara 4 jáne 5 sáýir kúnderi saǵat 10:00-den 19:00-ge deıin Alash tasjoly, 35B mekenjaıynda ornalasqan «Keryen Joly» saýda ortalyǵynda ótedi.

Kelýshilerge qolaıly bolýy úshin jármeńke ótetin orynǵa №7, 11, 39, 41, 45, 53, 59, 81, 307 jáne 317 baǵyttaǵy avtobýstar qatynaıdy.

Aıta keteıik, elorda turǵyndary men qonaqtary «Zań men tártip» qaǵıdaty aıasynda uıymdastyrylatyn «Esil RUN» jazǵy júgirý maýsymynyń ashylýyna shaqyrylady.