Astanada demalys kúnderi aýyl sharýashylyǵy jármeńkesi ótedi

ASTANA. KAZINFORM — Astanada 17-18 qańtar kúnderi kezekti qalalyq aýyl sharýashylyǵy jármeńkesi ótedi, dep habarlaıdy elorda ákimdiginiń resmı saıty.

— Jármeńkede jergilikti fermerler men Qazaqstannyń túrli óńirlerinen kelgen óndirýshilerdiń ónimderi usynylady. Qala turǵyndary men qonaqtary kókónis pen jemis-jıdek, et ónimderi, un jáne sút ónimderi, nan-toqash ónimderi, tabıǵı shyryndar, tosaptar, djemder jáne basqa da taýarlardy tıimdi baǵamen satyp ala alady, — delingen habarlamada.

Іs-shara 17 jáne 18 qańtar kúnderi saǵat 10:00–den 19:00–ge deıin «Keryen Joly» saýda ortalyǵynda ótedi. Mekenjaıy: Alash tasjoly, 35B.

Kelýshilerge qolaıly bolý úshin jármeńke mańynan № 7, 11, 39, 41, 45, 53, 59, 81, 307, 317 baǵyttaǵy qoǵamdyq kólikter qatynaıdy.

Budan buryn qaýipti vırýspen zalaldanǵan qyzanaq tuqymdary Astana áýejaıynan ótkizilmek bolǵanyn jazdyq.