Astanada Delfıı oıyndary bastaldy

«Delfıı oıyndary tuńǵysh ret bir elde eki márte ótkizilýde. Eshbir el Qazaqstan sekildi Delfıı oıyndaryn eki ret qabyldaǵan emes. Qazaqstan óz jerinde 8 jyl qatarynan ulttyq Delfıı oıyndaryn uıymdastyryp keledi. Sondyqtan bizdiń elimiz halyqaralyq deńgeıde Delfıı oındaryna qatysyp, onda joǵary kórsetkishterge qol jetkizýge, sonymen qatar oıyndardy óz elimizde qabyldaýǵa úlken áleýeti bar. Bıyl 19 atalym boıynsha 16 elden 800-ge tarta qatysýshy kelip otyr», - deıdi QR Bilim jáne ǵylym mınıstrligi Jastar isi komıteti tóraǵasynyń m.a. Nurlan Óteshev.

10 men 25 jas aralyǵyndaǵy 800-den astam qatysýshy óner salasynyń skrıpka, fortepıano, halyq ánderi sııaqty dástúrli túrlerinen bastap, veb-dızaın, dı-djeı sııaqty zamanaýı túrlerine deıin óz ónerlerin kórsetip, baq synaıdy. Ádil qazylar alqasynyń quramynda Italııa, Moldova, Rýmynııa, Reseı sııaqty elderden kelgen tanymal mýzykanttar, bıshiler, sýretshiler bar. Qazirgi ýaqytta Astanada baıqaýlar men kórmeler ótetin 11 pavılon uıymdastyrylǵan.  

TMD jastary arasyndaǵy Delfıı oıyndary saltanatty túrde elordadaǵy Beıbitshilik jáne kelisim saraıynda 28 qyrkúıek kúni aıaqtalady.