Astanada Delfıı oıyndary baǵdarlamasy boıynsha «Shattyq» konkýrsy bastalady

Osymen tórtinshi ret ótkizilip otyrǵan bul konkýrs Astananyń jarqyn is-sharalarynyń birine aınalyp otyr. Konkýrs hor vokaly, mánerlep oqý, horeografııa, aspapta oınaý, beıneleý óneri, fotosýret atalymdary boıynsha ótedi. Oǵan 10 men 15 jastyń aralyǵyndaǵy balalar jáne 16 jas jáne odan joǵary jasóspirimder qatysady.

Uıymdastyrýshylardyń habarlaýynsha, shyǵarmashylyq jarystardyń barysynda 27 medal toptamasy oınatylady.

«Shattyq» qalalyq konkýrsynyń altyn júldegerleri aldaǵy sáýir aıynda ótetin qalalyq Delfıı oıyndaryna qatysady. «Shattyq» konkýrsyn Astananyń bilim basqarmasy, M.Ótemisov atyndaǵy Oqýshylar saraıy jáne birqatar óner mektepteri uıymdastyryp otyr.