Astanada Daýn sındromyna shaldyqqan balalardy qoldaý maqsatynda shańǵy jarysy ótti

«Sharaǵa barlyǵy 70 shańǵyshy qatysty. Balalarǵa anımatorlar men ertegi keıipkerleri jaqsy kóńil kúı syılady. Aıryqsha balalar men qonaqtar úshin eń qatty áser etkeni ıtterdi sıpap kórip, olarmen birge sýretke túsip, tipti ıtter jegilgen shanamen de júrip kórdi! «Babi» dámhanasy tátti-dámdi men shaı usyndy», - deıdi uıymdastyrýshylar.

Jarysta balalar men eresekter arasynda 6 medal jıyntyǵy sarapqa salyndy. Eń kishkentaı sportshylar 50 metr qashyqtyqta jarysyp, barlyǵy yntalandyrý syılyǵyna ıe boldy. Saıystyń qorytyndysy boıynsha jeńimpaz atanǵandar: Naben Baqytjan - 1 km qashyqtyqta uldar arasynda 1 oryn, Ospan Eskendir (2 oryn) jáne Moldııar Abaı (3 oryn).  Osy qashyqtyqta qyzdar arasynda Daýn sındromy bar Anastasııa Fedorova birinshi keldi. Ekinshi oryn - onyń sińlisi Evelına Fedorovada, úshinshi orynda - Ekaterına Borýlko.

Eresekter eki qashyqtyqta jarysty. Áıelder arasynda 1 km qashyqtyqta Shynar Qalıeva 1 oryn alsa, ekinshi oryn Kúnsulý Muhamedjanovaǵa, úshinshi oryn Mádına Kárimovaǵa buıyrdy. Erler arasynda Aýjanı Dáýren - 1 oryn, Batyrhan Álıev - 2 oryn Ádilbek Toqaı -úshinshi oryn.

Eń uzaq qashyqtyqta erler arasynda qyzý kúres boldy. Nátıjesinde Andreı Gerasımenko birinshi, onyń izin ala Sergeı Prohorov jáne Aleksandr Vereşýk máre syzyǵyna jetti.  3 shaqyrymda Ásııa Tıkeeva, Zeınep Nurǵalıeva, Sáýle Serikbaeva úzdik úshtikten kórindi.
Sharany «Solnechnyı mır» qoǵamdyq qorynyń bastamasymen elordalyq Dene shynyqtyrý jáne sport basqarmasynyń, QR Ulttyq shańǵy jarystary federatsııasynyń jáne №2 «BJSM» KMK sport mektebiniń qoldaýymen uıymdastyryldy.  

 

Atap óterligi, Astanada Daýn sındromy bar úsh júzden asa bala bar. Bul balalarǵa tolyqqandy damý úshin úzdiksiz ońaltý sharalary qajet. Qaıyrymdylyq shańǵy jarysynan túsken qarjy aıryqsha qajettilikteri bar balalardyń damýy men ońalýyna jumsalady.