Astanada daýly vıdeo jarııalaǵan tanymal bloger qamaýǵa alyndy
ASTANA. KAZINFORM — Bloger ári kóńil kóterý ornynyń art-dırektory jurttyń nazaryn aýdarý úshin ádepsiz beıneler jarııalaǵan.
Vıdeoda mekeme qonaqtaryna tıisken sátteri, beıádep qylyqtar men balaǵat sózder bar. Bul jazbalar qala turǵyndarynyń ashý-yzasyn týdyrdy.
33 jastaǵy azamat qoǵamdyq tártipti buzǵany jáne aınalasyndaǵylarǵa qurmetsizdik kórsetkeni úshin 15 táýlikke qamaýǵa alyndy.
— Qaralym men «laık» úshin zańdy buzýǵa jol berilmeıdi. Mundaı áreketter zańǵa sáıkes qatań toqtatylady. Blog júrgizetin azamattar arandatýshy nemese qorlaıtyn materıal jarııalaý jaýapkershilikke ákeletinin umytpaýy tıis. Internet te zań men moraldan tys emes, — delingen polıtsııa habarlamasynda.
Aıta ketelik belgili bloger Álisher Elikbaev kirister komıtetimen sottasyp jatyr.