Astanada daý týdyrǵan bannerdiń avtory ustaldy
ASTANA. QazAqparat - Astana polıtseıleri «Arman Deluxe» elıtaly TK qorshaýynda shý týdyrǵan bannerdi ornatqan qala turǵynyn ustady, dep habarlaıdy QazAqparat tilshisi Astana ІІD baspasóz qyzmetine silteme jasap.
Bannerdegi jazba mynadaı: «Biz ózimizdi joǵary klass dep eseptegendikten, qorshaýmen qorshap aldyq. Qazdar dońyzdarǵa kórshi emes».
Osy bannerdiń vıdeosy Feısbýk áleýmettik jelisinde jarııalandy. Rolık avtorlarynyń aıtýynsha, oqıǵa bylaı órbigen: turǵyn úı kesheniniń aldyna jaıaý júrginshilerdiń jolyn japqan uzyn temir qorshaý ornatylǵan. Qarama-qarsy ornalasqan jataqhana turǵyndary kishkene qaqpa jasaýlaryn ótingen. Biraq, olardyń ótinishterin eshkim oryndamaǵan.
Oǵan jaýap retinde kórshi úıdiń turǵyny qorshaýǵa osy jazbany ornatqan.
«Elordalyq polıtseıler QR QK 174-baby boıynsha sotqa deıingi tergeýdi bastady. Budan bólek, polıtseıler jedel is-sharalar júrgizý kezinde bannerdi túsirip, taratqan jergilikti turǵyn anyqtaldy. Oǵan qatysty tergeý júrip jatyr, onyń nátıjesinde protsessýaldyq sheshim qabyldanady», - delingen habarlamada.
