Astanada dástúrli Tilder festıvali bastaldy
«Bıyl dástúrli tilder festıvali 16 ret ótetin bolady. Osy sharany 5 qyrkúıekke belgilep otyrmyz, sebebi, búgin qazaq tili biliminiń atasy, qazaq ultynyń ustazy - Ahmet Baıtursynulynyń týǵan kúni. Soǵan baılanysty Ahańnyń týǵan kúnine, isimine, eńbegine ádeıi arnap, búgingi kúndi tańdap otyrmyz. Búgin tústen keıin Astana ulttyq galereıasynda Qazaqstan halqy tilderiniń XVI qalalyq festıvaliniń ashylýy saltanaty bolady»,-dedi Astana qalasy Tilderdi damytý basqarmasynyń basshysy Erbol Tileshov.
Festıval aıasynda qyrkúıektiń 19-yna deıin túrli sharalar uıymdastyrylmaq. Bul turǵyda «Úzdik jarnama» baıqaýy, «Otan - otbasynan bastalady» merekelik is-sharasy, Qazaqstan Jazýshylar odaǵynyń mereıtoıyna arnalǵan jas aqyndar músháırasy, sondaı-aq Balýan Sholaqtyń 150 jyldyǵyna arnalǵan ádebı-sazdy kesh, «Kemel tildiń keleshegi» atty jastar aktsııasy, «Memlekettik til - memlekettik qyzmette» atty memlekettik qyzmetshiler arasynda baıqaý qamtylǵan.
19 qyrkúıekte «Jastar» saraıynda tilder festıvaliniń saltanatty jabylýy ótedi. Shara barysynda kórermenderge til týraly tanymdyq materıaldar berilip, festıvaldiń qorytyndysy shyǵarylady, memlekettik tildiń aıasyn keńeıtýge belsene atsalysyp júrgen azamattar marapattalady.
