Astanada dástúrli «Burqasyn-2026» qysqy festıvali ótedi
ASTANA. KAZINFORM — Astanada bıyl 25 jyldyǵyn atap ótetin dástúrli «Burqasyn-2026» qysqy festıvali uıymdastyrylady. Іs-shara 14 aqpanda Esil ózeniniń jaǵalaýyndaǵy Ortalyq saıabaqtaǵy Kenesary han eskertkishiniń mańynda ótedi, dep habarlaıdy elorda ákimdiginiń resmı saıty.
Festıval belsendi demalysqa, sporttyq jarystar men erekshe emotsııalarǵa toly úlken alańǵa aınalmaq. Іs-sharanyń basty maqsaty — buqaralyq sportty damytý, qysqy sport túrlerin nasıhattaý jáne salaýatty ómir saltyn ustanatyn azamattardyń basyn qosý.
Baǵdarlama aıasynda sporttyń 13 túri boıynsha jarystar uıymdastyrylady. Atap aıtqanda: shańǵy jarysy, gir sporty, qol kúrestirý, pımamen hokkeı, belbeý kúresi, motokross, avtosport, arqan tartý, qysqy shaǵyn fýtbol, qar laqtyrý saıysy, qysqy voleıbol, mas-restlıng jáne kóńildi tıýbıng jarystary.
— Festıvalge qatysýshylar óz múmkindikterin baıqap, baǵaly syılyqtar úshin baq synaı alady. Qatysýshylardy tirkeý 08:30–10:00 aralyǵynda júrgiziledi, jarystar saǵat 10:00–de bastalady. Qatysý — tegin, — delingen habarlamada.
Buǵan deıin bıyl elimizde 20-dan astam iri halyqaralyq jarys ótetini málim boldy.