Astanada daryndy balalarǵa arnalǵan «Saltanat» baly ótedi
Bul mańyzdy oqıǵa Qazaqstan elordasynda tórtinshi ret respýblıkalyq, halyqaralyq ǵylymı jobalar men jalpy bilim beretin pánderden olımpıada jeńimpazdary men júldegerlerin qoshemetteý maqsatynda ótkizilmek. Bıylǵy jyly bal «Astana daryny» óńirlik ǵylymı-praktıkalyq ortalyǵynyń 10 jyldyǵyna arnalyp otyr.
2015-2016 oqý jyly elorda oqýshylary AQSh-taǵy, Brazılııadaǵy, Grýzııadaǵy, Reseıdegi, Ońtústik Koreıadaǵy halyqaralyq olımpıadalar men ǵylymı jobalar jarystarynan 268 medal alyp keldi.
Astana qalasynyń oqýshylary komandasy respýblıkalyq olımpıada men respýblıkalyq ǵylymı jobalar konkýrsynda І jalpykomandalyq orynǵa ıe boldy jáne «Úzdik komanda» atandy. 2015-2016 oqý jylynda elordanyń mektep oqýshylary 97 júldeli oryndardy jeńip aldy.
«Saltanat» balynyń qatysýshylary Astana qalasy mektepteriniń 10-11 synyp oqýshylary, 2014-2015 oqý jylyndaǵy respýblıkalyq, halyqaralyq ǵylymı jobalardyń jáne olımpıadalardyń jeńimpazdary.
Bal baǵdarlamasynda - 2015-2016 oqý jylyndaǵy respýblıkalyq olımpıadalar men respýblıkalyq ǵylymı jobalar konkýrsynda altyn medalmen marapattalǵan Astana qalasy mektepteriniń oqýshylary men olardyń pedagogterin qoshemetteý jáne marapattar tapsyrý kózdelgen.
Marapattaý QR Bilim jáne ǵylym mınıstri E.Saǵadıevtiń jáne Astana qalasynyń ákimi Á.Jaqsybekovtiń qatysýymen ótedi. Qurmetti qonaqtar retinde QR Parlamenti men Astana qalasy máslıhatynyń depýtattary, «Nur Otan» partııasynyń, QR Bilim jáne ǵylym mınıstrliginiń, «Daryn» RǴPO, Astana qalasy ákimdiginiń ókilderi, L.N.Gýmılev atyndaǵy EUÝ, S.Seıfýllın atyndaǵy QazATÝ jáne M.V. Lomonosov atyndaǵy MMÝ qazaqstandyq fılıalynyń ǵalymdary, Astana qalasy bilim mekemeleriniń basshylary shaqyryldy.