Astanada daryndy balalarǵa arnalǵan mektepke qabyldaý bastaldy
ASTANA. QazAqparat - 1 qyrkúıekte Astananyń sol jaǵalaýynda «Batyǵaı» TÚK qasynda daryndy balalarǵa arnalǵan №81 Astana English School gımnazııasy ashylady. Mektepte sabaqtar qazaq jáne aǵylshyn tilderinde ótkiziledi, dep habarlaıdy astana.kz.
Búgingi kúnnen bastap gımnazııada konkýrsty aqyly negizde oqýǵa 1-7 synyptarǵa oqýshy qabyldaý bastalady. Qujattardy qabyldaý saǵat 10:00-den 19:00-ge deıin júredi. Oqýshylardy testileý 10 tamyzda saǵat 10:00-den 13:00-ge deıin ótedi. Atap óteıik, bıyl elordada 1 qyrkúıekte jańadan úsh mektep jumysyn bastaıdy. Jańa oqý jylynda qalada 17 myńnan astam bala birinshi synypqa barady dep kútilýde, bul ótken oqý jylyna qaraǵanda 2 myń oqýshyǵa kóp.
