Astanada daryndy balalarǵa arnalǵan qala ákiminiń jańajyldyq shyrshasy ótti
ASTANA. 29 jeltoqsan. QazAqparat /Jasulan Amanbaıuly/ - Búgin M.Ótemisuly atyndaǵy Oqýshylar saraıynda elordanyń daryndy jastary - oqý ozattary men túrli baıqaýlar men festıvalderde júlde alyp júrgen talantty oqýshylarǵa arnalǵan qala ákiminiń jańajyldyq shyrshasy ótti.
Ártúrli oqý oryndarynan jınalǵan 150-ge tarta jas daryn Astana qalasy ákiminiń atynan syılyqtarǵa ıe boldy.
Jańajyldyq merekede shyrshanyń janynda sahnalanǵan oıyn-saýyq baǵdarlamasy, «Qarshaqyz» ertegi qoıylymy men tátti taǵamǵa toly ústel uıymdastyryldy. «Báıterek», «Sozvezdıe» bı ansamblderi, «Baldyrǵan» halyq tsırki, «Jas Astana» jáne «Juldyzdy saǵat» estradalyq stýdııalary án men bıden shashý shashty. Ertegi keıipkerleri, Aıaz ata men Aqshaqar balalarǵa syılyqtaryn tabys etip, jańajyldyq dastarhanǵa shaqyrdy.
«Ótken 2011 jyl biz úshin tabysty ótti. Aıaq basyp kele jatqan jańa jylda da osyndaı asýlarǵa jetýlerińizdi tileımiz», - deıdi qalalyq Bilim basqarmasy bastyǵynyń orynbasary Ásııat Korjıkova.
