Astanada daryndy balalardyń qurmetine kesh ótedi
ASTANA. QazAqparat - Elordada qalalyq Bilim basqarmasy men «Astana daryny» óńirlik ǵylymı-praktıkalyq ortalyǵynyń uıymdastyrýymen dástúrli «Trıýmf» baly ótedi, dep habarlaıdy «QazAqparat» HAA tilshisi.
Jyl saıyn 25 mamyr kúni jalpy orta bilim beretin pánder boıynsha ótkizilgen halyqaralyq jáne respýblıkalyq olımpıadalar men ǵylymı jobalar baıqaýlarynyń jeńimpazdary men júldegerlerin saltanatty túrde marapattaý maqsatynda «Trıýmf» baly uıymdastyrylady.
«2016-2017 oqý jylynda Astana qalasynyń oqýshylar komandasy respýblıkalyq olımpıadalar men ǵylymı jobalar jarysynda aldyńǵy qatarly oryndar men «Úzdik komanda» ataǵyna ıe boldy. Dástúrli shara jetistikke jetken daryndy oqýshylarymyzǵa qurmet kórsetý maqsatynda uıymdastyrylady», - deıdi «Astana daryny» óńirlik ǵylymı-praktıkalyq ortalyǵynyń dırektory Maıra Qurmanbaeva.
Saltanatty sharaǵa jeńimpaz atanǵan 11-inshi synyp oqýshylary qatysady.
