Astanada «Daryn» Memlekettik jastar syılyǵynyń jeńimpazdary marapattaldy
ASTANA. 27 jeltoqsan. QazAqparat /Rýslan Ǵabbasov/ - Búgin Astanadaǵy Ulttyq mýzyka akademııasynyń «Shabyt» óner ýnıversıtetinde QR Úkimetiniń «Daryn» - Memlekettik jastar syılyǵynyń ıegerlerin marapattaý rásimi ótti.
Bıyl atalǵan syılyqqa 10 atalym boıynsha 20 adam ıe boldy.
Sonymen, "Daryn" syılyǵynyń ıegerleri bolyp «Teatr jáne kıno» atalymynda QR Prezıdenti teleradıokesheniniń rejısseri Janar Jumabaeva, sondaı-aq Muhtar Áýezov atyndaǵy Qazaq memlekettik akademııalyq drama teatrynyń akterlary Nazgúl Qarabalına jáne Jandarbek Sadyrbaev tanyldy. Al «Ádebıet» atalymynda «Bóbek» qory Adamnyń úılesimdi damý ınstıtýty dırektorynyń orynbasary Aqbergen Elgezek, «Zań» gazetiniń bas redaktory Bekjan Áshirbaev jáne Aqmola oblystyq Halyq shyǵarmashylyǵy ortalyǵynyń bas redaktory Almas Temirbaı "Daryn" syılyǵyn jeńip aldy.
«Jýrnalıstıka» atalymy boıynsha «Qalamger-medıa» ortalyǵynyń dırektory Janarbek Áshimjanov, «Habar» agenttiginiń telejýrgizýshileri Berik Qurmanǵalı jáne Renat Kertaev, «Estrada» jáne «Klassıkalyq mýzyka» atalymy boıynsha Súıinbaı atyndaǵy Aqmola oblystyq fılarmonııasynyń ánshisi Erbolat Qudaıbergenov jáne Kúlásh Baıseıitova atyndaǵy Ulttyq opera jáne balet teatrynyń ánshisi Azamat Jelturǵyzov, «Halyq shyǵarmashylyǵy» atalymy boıynsha Murager Saýranbaev pen Batyrjan Myqtybaev, «Dızaın men beıneleý óneri» atalymy boıynsha Gúlnazym Ómirzaq pen Eldos Beksultan, «Ǵylym» atalymy boıynsha QR Ulttyq ıadrolyq ortalyǵynyń ıAdrolyq fızıka ınstıtýtynyń Astanadaǵy fılıalynyń basshysy Maksım Zdorovets, «Qoǵamdyq jumys» atalymy boıynsha «Jas Otan» jastar qanatynyń Atqarýshy hatshysy Nurlan Sydyqov jáne «Bolashaq» stıpendıanttary qaýymdastyǵynyń Atqarýshy dırektory Janna Tólegenova, al «Sport» atalymy boıynsha Gýanchjoý qalasynda ótken jazǵy Azııa oıyndarynyń jeńimpazdary Elena Shalygına jáne Nurmahan Tynalıev "Daryn" syılyǵynyń ıegerleri atandy.
