Astanada dárihana kassasyn tonaǵan kúdikti ustaldy
ASTANA. QazAqparat - Astana qalasy ІІD Krımınaldyq polıtsııa basqarmasynyń qyzmetkerleri elordada dárihana aqshasyn urlaý qylmysyna kúdiktini ustady, dep habarlaıdy QazAqparat.
«Abylaı han dańǵyly boıynda dárihananyń birinde qorqytý arqyly kassadan aqsha qymqyrǵan kúdikti ustaldy. Qazirgi kezde ol qamaýǵa alyndy. Osyǵan baılanysty sotqa deıingi tergeý amaldary júrip jatyr. Sonymen qatar onyń basqa da qylmystarǵa qatystylyǵy tekserilýde», - dep atap ótilgen ІІD baspasóz qyzmetiniń málimetinde.
Aıta keteıik, Іshki ister departamenti kúdikke ilingen atalǵan adamnyń áreketinen zardap shekkenderdi «Almaty» aýdanynyń Іshki ister basqarmasyna kelýge shaqyrdy.
