Astanada dándi daqyldardan jasalǵan erekshe kıiz úıdiń tanystyrylymy boldy

Tanystyrylym Astana qalasy ákimdiginiń aldyndaǵy ortalyq alańda ótti. Elordalyq mekemeler, kásiporyndar men joǵary oqý oryndarynyń kıiz úıleri boı túzegen bul alańda, osy ýaqytta merekelik is-sharalar ótýde.

Qazaqstanda ósetin 13 túrli dándi daqyldan jasalǵan kıiz úıdiń avtory S.Seıfýllın atyndaǵy Qazaq agrotehnıkalyq ýnıversıteti. Ony jasap shyǵarǵan - ýnıversıtettiń sáýlet fakýltetiniń oqytýshysy, sýretshi Baqytjan Áripov.

Kıiz úıdiń dándi daqyldardan jasalýy onyń jalǵyz ereksheligi emes. Biregeı týyndyda qoldanylǵan árbir ólshemniń ózindik mán-maǵynasy bar. Onda jazǵy jáne kúzgi bıdaı, arpa, kúrish, mash, úrmeburshaq, asburshaq, tary, júgeri, júgeriniń untaǵy, arpa, qaraqumyq, suly, barlyǵy 13 túrli dánektiń qoldanylýy Astana qalasynyń 13 jyldyǵyn bildiredi. 55 santımetr bolatyn onyń jalpy aýmaǵy ýnıversıtettiń bıyl atap ótetin 55 jyldyq mereıtoıymen baılanysty. Kıiz úı qondyrylǵan tuǵyrdyń eni 57 sm bolýy, atalmysh JOO-nyń 1957 jyly qurylǵanyn bildirse, tuǵyrdyń 70 sm-lik uzyndyǵy qazaqtyń kıeli - 7 sanymen  baılanysty. Kıiz úıdi aınaldyra atalmysh agrarlyq ýnıversıtettiń ǵalymdary oılap tapqan bıdaıdyń 4 surpynyń masaqtary qoıylǵan.

Onymen qosa, QazATÝ-dyń baspasóz ortalyǵynyń dırektory Talǵat Mahanovtyń atap kórsetkenindeı, dánekter qamyrǵa jabystyryldy jáne onda eshbir boıaý qoldanylmaǵan. Kıiz úıdegi oıýlarǵa túrli-tústilikti dándi daqyldardyń tabıǵı boıaýy berip tur.

Astanada, múmkin Qazaqstanda analogy joq erekshe kıiz úı S.Seıfýllın atyndaǵy QazATÝ-dyń murajaıynda saqtalatyn bolady.