Astanada «Damý» qorynyń ınvestıtsııasyna shınalardy maýsymdyq saqtaıtyn ortalyq salyndy
ASTANA. 15 sáýir. QazAqparat /Gúlmıra Álıakparova/ - «Damý» kásipkerlikti damytý qory arqyly kezekti joba qarjylandyryldy. Astana qalasynda shınalardy maýsymdyq saqtaıtyn ortalyq ashyldy.
«ShınOtel» ortalyǵy Qazaqstan, Avstrııa jáne Germanııa elderiniń birlesken jobasy jáne ol Italııa men Germanııanyń ozyq tehnologııalarymen jabdyqtalǵan.
«ShınOtel» JShS-nyń dırektory Qanat Abaevtyń sózine qaraǵanda, shınalardy maýsymdyq saqtaý tájirıbesi Eýropada keńinen qoldanylyp keledi, al keıingi ýaqytta Qazaqstanǵa sińise bastady. Jobany «Tsesnabank» «Damý» qory arqyly jeńildetilgen 12,5 paıyzben qarjylandyrdy.
«Jumsalǵan qarajat bir jarym jylda aqtalady dep kútilýde. Ortalyq ázirshe 5 myń komplektini (bir komplekt - tórt dońǵalaq) syıdyra alady. Aldaǵy ýaqytta ony 10 myńǵa jetkizý kózdelip otyr», - deıdi ol.
«Qazir garajdar men turaqtar syrylyp jatyr. Al kópqabatty úılerde shınalardy saqtaý qıyndyq týǵyzady. Onyń ústine, eger bir otbasynda birneshe kólikten bolsa. Shınalardy saqtaý quny kólemine qaraı 6 aıǵa 15 myń teńgeden joǵary bolady. Dońǵalaqtardy ortalyqta aýystyrýǵa, jýýǵa aqy qosymsha alynady», - dedi ol.
Astana qalasynyń Kásipkerlik jáne ónerkásip basqarmasy bastyǵynyń orynbasary Qaırat Ertýǵanovtyń aıtýynsha, mundaı ınnovatsııalyq jobalardyń ashylýyna ákimdik qashan da qoldaý bildiredi. Bul aldymen - damyǵan, qazirgi Astananyń deńgeıine laıyqty halyqaralyq standarttarǵa saı sapaly qyzmet, ekinshiden, jańa jumys oryndary.
