Astanada dámhana órtendi
ASTANA. QazAqparat - Astanada túnde kóńil kóteretin mekemelerdiń biri órtke orandy. Bul týraly QR Іshki ister mınıstrligi Tótenshe jaǵdaılar komıtetiniń resmı ókili Rýslan Imanqulov habarlady.
Aqparatqa qaraǵanda, keshe túnde elordadaǵy «Madına» dámhanasy órtengen. Kelýshiler men mekeme qyzmetkerleri arasynda japa shegýshiler, qurban bolǵandar joq.
«Túngi saǵat 1:02-de Astana qalasy Saryarqa aýdany Qartaly kóshesinde ornalasqan eki qabatty «Madına» dámhanasynyń shatyry men tóbe jabyny janyp jatqany týraly habar tústi. Tilsiz jaý saǵat 2:04-te aýyzdyqtalyp, saǵat 2:34-te órt tolyq sóndirildi», - dedi R.Imanqulov.
Onyń málimetinshe, órt sharpyǵan aýmaq shamamen 700 sharshy metrdi quraıdy. «Órtti sóndirýge Astana qalasy TJD qyzmetiniń jeke quramynan 60 adam jáne órt sóndiretin 15 tehnıka birligi jumyldyrylǵan. Órt shyǵý saldary áli de anyqtalatyn bolady» - deıdi resmı ókil.
