Astanada dala órkenıetin dáripteýge arnalǵan ortalyq qurylady
ASTANA.KAZINFORM — Bul mekeme dala halyqtarynyń tarıhy men mádenıetin keń aýqymda nasıhattap, tanytady. Bul jóninde Qasym-Jomart Toqaev Túrki memleketteri uıymynyń Túrkistanda ótip jatqan beıresmı sammıtinde málimdedi.
— Biz Astanada dala órkenıetin dáripteýge arnalǵan ortalyq qurýdy josparlap otyrmyz. Onda dala halyqtarynyń tarıhy men mádenıeti keńinen nasıhattalmaq. Uıymǵa múshe memleketterdi jáne barlyq baýyrymyzdy osy jobany qoldaýǵa jáne oǵan belsendi qatysýǵa shaqyramyn, — dedi Memleket basshysy.
Aıta keteıik, buǵan deıin Túrki memleketteri uıymynyń sammıti bastalǵanyn jazǵanbyz.
