Astanada Creative Aimaq jobasy bastaý aldy
ASTANA. KAZINFORM – Astanada óńirlik kreatıvti ındýstrııalardy damytýǵa baǵyttalǵan Creative Aimaq jobasy iske qosyldy.
Joba aıasynda 13-14 maýsym kúnderi elordada «Uly dalanyń murasy. Shabyt mekeni. Bolashaq ekonomıkasy» tujyrymdamasymen kórme ótip jatyr. Іs-sharaǵa kelýshiler Aqmola oblysynyń baı mádenı murasymen, shyǵarmashylyq jetistikterimen jáne ınnovatsııalyq jobalarymen tanysa alady.
Kórme kún saıyn saǵat 10:00–den 19:00–ge deıin Joshy han kóshesi, 16/2 mekenjaıynda ótedi. Іs-shara ulttyq dástúrlerdiń zamanaýı kreatıvti ekonomıkany damytýdaǵy mańyzdy negizge aınalyp otyrǵanyn aıqyn kórsetedi.
Bir alańda 200-den astam qolónershi, dızaıner, sýretshi, startap jobalardyń avtorlary men shyǵarmashylyq bıznes ókilderi óz ónimderin usynyp otyr. Kelýshiler zergerlik ónerdiń biregeı týyndylaryn, aǵashtan, bylǵarydan jáne kıizden jasalǵan buıymdardy, ulttyq kıim toptamalaryn, mýzykalyq aspaptardy, sondaı-aq zamanaýı tehnologııalyq jobalardy tamashalaı alady.
Kreatıvti ındýstrııalardy damytý qory uıymdastyryp otyrǵan Creative Aimaq jobasynyń maqsaty — Astana turǵyndary men qonaqtaryn óńirlerdiń shyǵarmashylyq áleýetimen, jergilikti brendtermen jáne mádenı bastamalarymen keńinen tanystyrý.
Eske salsaq Astanada erekshe sýret kórmesi ótken edi.
