Astanada «Coupe Mondiale 79» halyqaralyq baıqaýynyń saltanatty jabylý rásimi ótti

Saltanatty keshke Mádenıet jáne aqparat mınıstrligi Mádenıet komıtetiniń tóraǵasy Azamat Saılaýuly Belqaıyrov qatysyp, quttyqtaý sóz sóıledi. Komıtet tóraǵasy óz sózinde elimizde mádenıet pen rýhanııatqa árdaıym erekshe mán beriletinin atap ótti. Bıyl mádenıet salasynda kóptegen mańyzdy jobalar iske asyrylǵanyn aıtyp, qorytyndylanyp otyrǵan álemdik dodanyń da sonyń bir aıǵaǵy ekenin jetkizdi. Sondaı-aq Mádenıet jáne aqparat mınıstrligi halyqaralyq mádenı bastamalardy árdaıym qoldaıtynyn aıtyp, aldaǵy ýaqytta da elimizde osyndaı aýqymdy jobalar jalǵasyn tabatynyna senim bildirdi.

Azamat Belqaıyrov mınıstrlik atynan Halyqaralyq akkordeonıster konfederatsııasyna, qazylar alqasyna, baıqaýdy uıymdastyrǵan «Qazaqkontsert» ujymyna, barlyq qatysýshylar men demeýshilerge erekshe alǵysyn bildirdi. Sóz sońynda jeńimpazdar men júldegerlerdi quttyqtap, barsha qatysýshyǵa shyǵarmashylyq tabys pen jańa jetistikter tiledi.

Kesh barysynda baıqaýdyń Senior sanaty boıynsha jeńimpazdary marapattalyp, I, II jáne III oryn ıegerleriniń esimderi jarııalandy. Halyqaralyq akkordeonıster konfederatsııasynyń (CIA) prezıdenti Mırko Patarını arnaıy júldelerdi tabystady. «Klassıkalyq mýzyka ansambli» nomınatsııasynda Reseı Federatsııasynyń Siberian Bayan Quartet ujymy, «Jasóspirimder arasyndaǵy vırtýozdyq estradalyq oryndaýshylyq» nomınatsııasynda Italııa ókili Davıde Dı Djakomo, «Jasóspirimder arasyndaǵy Coupe Mondiale» nomınatsııasynda Japonııa ókili Fýta Mıdzýtanı, «Eresekter arasyndaǵy vırtýozdyq estradalyq oryndaýshylyq» nomınatsııasynda Bosnııa jáne Gertsegovına ókili Djordje Perıch, «Coupe Mondiale sheberleri» nomınatsııasynda Reseı Federatsııasynyń ókili Tımýr Setrakov, «Álemdik mýzyka ansambli» nomınatsııasynda qazaqstandyq «Scythians» trıosy, al «Coupe Mondiale» nomınatsııasynda Qazaqstan ókili Jandos Saýyt birinshi oryn ıelendi.

Saltanatty keshtiń erekshe bóligi osy jeti sanat boıynsha I oryn ıegerleriniń mýzykalyq óner kórsetýi boldy. Álemniń úzdik baıan jáne akkordeon oryndaýshylary elorda sahnasynda bas qosyp, joǵary kásibı sheberlikterin kórsetti.

Fınaldyq kontsertte ulttyq mýzyka men álemdik klassıka úndesti. Sahnada «Astana sazy» qazaq memlekettik folklorlyq ansambli, «Samga», «Saz&Soul» toptary, «Gúlder» ansambliniń baleti, Klara Tólenbaeva, Nuraı Sherý jáne «Qazaqkontserttiń» shyǵarmashylyq ujymdary óner kórsetti.

Keshtiń sharyqtaý sheginde 40-tan astam baıanıst Qurmanǵazynyń «Adaı» kúıin birge oryndap, kórermenge erekshe áser syılady. Saltanatty rásim Eskendir Hasanǵalıevtiń «Atameken» ánimen túıindeldi. Jıyn sońynda Qazaqstan Respýblıkasynyń Mádenıet jáne aqparat mınıstriniń atynan yqylas gúli tabystaldy.

Aıta keteıik, birneshe kúnge sozylǵan halyqaralyq dodaǵa álemniń ár elinen baıqaýǵa barlyǵy 147 ótinim qabyldandy. Onyń 126-sy – jeke oryndaýshylar, 21-i – ansamblder. Ansamblder quramynda 62 ónerpaz óner kórsetti. Birneshe sanatta baq synaǵan qatysýshylardy esepke alǵanda, konkýrsqa qatysqan biregeı ónerpazdardyń jalpy sany 153 adamdy qurady. Onyń ishinde 32 qatysýshy birneshe sanatta – jeke nemese ansambl quramynda óner kórsetti.

Baıqaýdyń Qazaqstanda ótýi - qazaqstandyq jas oryndaýshylardyń osyndaı bedeldi álemdik baıqaýǵa qandaı da bir qıyndyqsyz qatysýyna mol múmkindik ashyp otyr. Sonyń arqasynda Qazaqstannan – 40 oryndaýshy baıqaýda baq synady. Al jalpy sany baıqaýǵa 16 eldiń ónerpazdary qatysty. Olardyń qatarynda Reseı, Qytaıdaı, Portýgalııa, Italııa, Chernogorııa, Serbııa, Horvatııa, Shveıtsarııa, Japonııa, Ózbekstan, Brazılııa, Bosnııa jáne Gertsegovına, Qyrǵyzstan, Soltústik Makedonııa jáne Belarýs elderiniń ókilderi bar.

Halyqaralyq doda aıasynda Halyqaralyq akkordeonshylar konfederatsııasynyń 46 delegaty da Astanaǵa keldi. Olardyń qatarynda Italııa, Fınlıandııa, Frantsııa, Qytaı, Avstralııa, Reseı, Serbııa, Germanııa, Avstrııa, Jańa Zelandııa jáne ózge memleketterdiń baıan-akkordeon óneriniń belgili ókilderi bar. Halyqaralyq delegatsııa quramynda Halyqaralyq akkordeonshylar konfederatsııasynyń prezıdenti Mırko Patarını, sondaı-aq Kımmo Mattıla, Jak Morne, Natalı Býshe, Vıktor Romanko, Aleksandr Selıvanov, Greıson Meısfıld, Harlı Djons taǵy da basqa halyqaralyq baıan-akkordeon óneriniń ókilderi bar. Al Qazaqstannan qazylar alqasynyń quramynda belgili óner qaıratkeri, professor – Anatolıı Gaısın, Sáýle Smaqova, Samǵar Tolqynhan, Jámılá Chaldaeva, Damır Sultanov boldy.

Baıqaýdyń resmı ashylý saltanaty 24 tamyzda ótti. Іs-sharaǵa QR Mádenıet jáne aqparat vıtse-mınıstri SYdyqov Aıbek Jeksenáliuly qatysyp, QR Premer-mınıtriniń orynbasary – Mádenıet jáne aqparat mınıstri – Aıda Ǵalymqyzy Balaevanyń quttyqtaý sózin jetkizdi Ashylý saltanatynan keıin baıqaýdyń negizgi bóligi - tyńdalymdar bastaldy.

Baıqaýdyń ekinshi kúnikonkýrstyq baǵdarlama tańǵy saǵat 08:30-dan bastalyp, keshke deıin jalǵasty. Al keshke, osy halyqaralyq baıqaý aıasynda «Coupe Mondiale» baıqaýynyń 2021 jylǵy jeńimpazy, daryndy akkordeonıst Oljas Nurlanovtyń jeke kontserti ótti.

Úshinshi kúnikonkýrstyq tyńdalymdarmen qatar baıan jáne akkordeon óneriniń maıtalmandary sheberlik sabaqtaryn ótkizdi. Olar halyqaralyq baıqaýlardyń jeńimpazy, Tıantszın mýzyka konservatorııasynyń dotsenti Rýı Lıý, Halyqaralyq akkordeonshylar konfederatsııasynyń prezıdenti Mırko Patarını, Qurmanǵazy atyndaǵy Qazaq ulttyq konservatorııasynyń professory Anatolıı Gaısın jáne Reseı mýzyka akademııasynyń dotsenti Aleksandr Selıvanov. Munda qatysýshylar men jas mýzykanttar álemniń ár elinen kelgen baıan jáne akkordeon óneriniń myqtylarymen kásibı tájirıbe almasyp, oryndaýshylyq sheberliktiń qyr-syryn meńgerýge múmkindik aldy.

Jeńimpazdarǵa arnalǵan jalpy júlde qory 16 mıllıon teńgeni quraıdy. Onyń ishinde úzdik dep tanylǵan qatysýshylarǵa negizgi Coupe Mondiale sanaty boıynsha taǵaıyndalǵan júlde júlde somasy – I orynǵa – 3 000 eýro, II orynǵa – 2 000 eýro, III orynǵa – 1 000 eýro tabystaldy. Jalpy mundaı aýqymy keń baıqaýlar úlken qarajatty qajet etdi. Mınıstrlik tarapynan da qarajat qarastyryldy, biraq negizgi baǵyty demeýshilerdiń kómegimen ótkizildi. Basty demeýshi - «Qazaqstan Halyq banki» AQ. Sondaı-aq Vita Bottlers jáne t.b. demeýshiler qoldaý kórsetti.