Astanada tsıfrlyq transformatsııalaý máseleleri talqylandy
ASTANA. QazAqparat - Elordada «2nd IOT Forum Astana 2018» halyqaralyq forýmy ótip jatyr, dep habarlaıdy QazAqparat tilshisi.
Halyqaralyq sharanyń ashylýynda sóz sóılegen QR Aqparat jáne kommýnıkatsııalar vıtse-mınıstri Dınara Şeglova mundaı forýmdy ótkizý ǵylymı-tehnıkalyq, ınnovatsııalyq, sonymen qatar ІT salalary qatysýshylarynyń yntymaqtastyǵyn damyta túsetindigin basa aıtty.
«Internet zattar óte qarqyndy ósim kórsetip kele jatqan, óte úlken kólemdegi jeke jáne memlekettik ınvestıtsııalar úshin tartymdy tehnologııalyq salalardyń birine aınalǵanyn ózderińizde jaqsy bilesizder», - dedi vıtse-mınıstr.
Forým qatysýshylary qalanyń jáne turǵyn úı-kommýnaldyq sharýashylyǵynyń zııatkerlik ınfraqurylymyn qurý, Qazaqstan ekonomıkasyn tsıfrlyq transformatsııalaý, Qazaqstan azamattarynyń qaýipsizdigin qamtamasyz etý máselelerin jan-jaqty talqylaýda. Sonymen qatar, Internet zattar salasyndaǵy otandyq jáne sheteldik sarapshylar óz jobalaryn da usynýda.
«Internet zattardyń árbir kezeńi bizdiń ómirimizge dendep enip barady. Qazirgi ýaqytta esepteýish, ólsheýishterge arnalǵan ınternet hattar jobasyn jasaýdy bastaımyz. 3-4 jyldyń ishinde bul da biz úshin úırenshikti dúnıege aınalady», - dedi «Qazaqtelekom» AQ basqarmasynyń tóraǵasy Qýanysh Esekeev.
