Astanada tsıfrlyq HQKO ashyldy

ASTANA. QazAqparat - Elordanyń Esil aýdanynda tsıfrlyq Halyqqa qyzmet kórsetý ortalyǵynyń resmı túrde ashylýy bolyp ótti, dep habarlaıdy «QazAqparat» HAA tilisi.

Zaman talabyna jaýap beretin halyqqa qyzmet kórsetýshi biregeı mekemeniń ashylýyna QR Premer-mınıstriniń orynbasary Asqar Jumaǵalıev pen Aqparat jáne kommýnıkatsııalar mınıstri Dáýren Abaev qatysty. Jumysyn tyń formatta bastaǵan ortalyq Saýran kóshesinde ornalasqan.

«Bul HQKO eki ýchastokqa bólingen. Munda halyqqa negizinen tsıfrlyq júıede qyzmet kórsetiledi. Tsıfrlyq qoltańbasy bar azamattar óziniń telefon nómirin JSB (IIN) nómirine bekitip, kez kelgen ýaqytta kompıýter arqyly qajetti elektrondy anyqtama ala alady. Osylaısha, kompıýterde otyryp-aq qajetti formatta belgili bir memlekettik organnan qujatqa ótinim joldap, HQKO operatorymen onlaın-baılanysqa shyǵa alady», - deıdi HQKO-ny tanystyrǵan «Azamattarǵa arnalǵan úkimet» memlekettik korporatsııasynyń basqarýshy tóraǵasy Abylaıhan Ospanov.

 

Onyń aıtýynsha, elektrondy úkimettiń portaly arqyly 700-ge jýyq qyzmetti paıdalanýǵa bolady.

«Eń kóp suranysqa ıe ótinimder - meken-jaı týraly anyqtama, zańdy tulǵalar týraly nemese jyljymaıtyn múlik týraly anyqtama. Bizdiń mindet - «Tsıfrlyq Qazaqstan» baǵdarlamasy aıasynda halyqqa atalǵan qyzmetterdi paıdalana bilýdi úıretý», - deıdi Ospanov.

  

Abylaıhan Ospanov, sonymen birge, telefon nómirin JSB nómirine bekitkennen keıin qajetti anyqtamany azamattar jumysyndaǵy kompıýter arqyly ala alatynyn aıtady.