Astanada «Chellendjer» serııasynyń týrnıri bastaldy
ASTANA. QazAqparat - Búgin elordada Qazaqstan tennıs týry aıasynda júlde qory 75 myń dollardy quraıtyn «Chellendjer» serııasynyń halyqaralyq týrnıri bastaldy. Bul týraly Qazaqstan tennıs federatsııasynyń baspasóz qyzmetinen habarlaıdy.
Týrnırge álemniń 20 eliniń tennısshileri qatysýda. Olardyń qatarynda Flavıo Chıpollo (Italııa), Marsel Ilhan (Túrkııa), Djılles Mıýller (Lıýksembýrg), Konstantın Kravchýk (Reseı), Tatsýmo Ito (Japonııa), Mateo Vıola (Italııa) syndy sportshylar bar. Al bul baıraqty básekede Qazaqstan namysyn Andreı Golýbev, Evgenıı Korolev, Denıs Evseev, Tımýr Habıbýlın, Qýatbek Ábıevter qorǵaıdy.
Aıta keteıik, bul serııadaǵy týrnırlerdiń júlde qory 35-150 myń dollar aralyǵynda. Máselen, 2008 jyly týrnırdiń jalpy júlde qory on mıllıon dollarǵa jýyqtaǵan bolatyn. Jalpy, jylyna álemniń 40-tan astam elinde 150-deı týrnır ótedi.
