Astanada Chelendjer serııasy boıynsha «Astana Chelendjer» ATR halyqaralyq erler týrnıri bastaldy
ASTANA. 22 tamyz. QazAqparat - Astanada Chelendjer serııasy boıynsha «Astana Chelendjer» ATR halyqaralyq erler týrnıri bastaldy. Atalmysh básekeniń syılyq qory 50 myń AQSh dollaryn qurap otyr. Bul týraly Qazaqstan Respýblıkasynyń Tennıs federatsııasynan habarlandy.
Ótken demalys kúnderi negizgi kestege túsý maqsatynda biliktilik matchy ótkizildi. Al búgin saǵat 10-00-de negizgi kesteniń matchtary bastaldy. Halyqaralyq týrnırge 15 eldiń sportshysy qatysýda. Olardyń arasynja Raıner Shýtler (Germanııa), Teımýraz Gabashvılı (Reseı), Aleksandar Kýdrıavtsev (Reseı), Konstantın Kravchýk (Reseı), Andre Martın (Slovakııa) sııaqty sportshylar bar. Negizgi kestede Qazaqstan atynan Serjan Esenbekov, Denıs jáne Anton Saranchýkov sııaqty sportshylar óner kórsetedi. Sonymen qatar biliktilik raýndynda Aıdynbek Raqyshev, Qaırat Kósherov, Janbolat Jaqypov, Stanıstlav Nıkýlchıkov, Danıl Braýn, Dinmuhammed Esenqulov jáne Ádil Eltaev sııaqty azamattar óner kórsetpek.
Alǵashqy aınalymda A.Saranchýkov frantsýz Fabrıtsııa Martınmen kezdesedi. S.Esenbekov japondyq Marıo Hırokımen básekege túsedi. Al D.Evseev ulybrıtanııalyq Danıel Kohommen jarysqa túspek. Halyqaralyq týrnır Hard Ru Kort ashyq kortynda ótedi. Týrnırdiń jeńimpazy ATR reıtıngi boıynsha 80 upaı jınap, óziniń álemdik reıtıngtegi kórsetkishterin jaqsartady.
