Astanada «Cenim 2011» qazaqstandyq baıqaýy qorytyndylandy
Baıqaýdyń qorytyndysyna sáıkes, 7 atalym boıynsha elimizdegi úzdik jumys berýshiler anyqtaldy», - dep habarlaıdy «QazMunaıGaz» ulttyq kompanııasynyń baspasóz qyzmeti.
«Cenim 2011» baıqaýy Qazaqstan Respýblıkasy Eńbek jáne halyqty áleýmettik qorǵaý mınıstrligi men «Atameken» Odaǵy» Qazaqstannyń ulttyq ekonomıkalyq palatasynyń resmı qoldaýymen ótkizildi. «QazMunaıGaz» ulttyq kompanııasy ótken jyldyń qorytyndysy boıynsha ulttyq kompanııalar arasynda úzdik dep tanylǵan bolatyn. Al bıylǵy jyly ulttyq kompanııa baıqaýdyń sharttary boıynsha tek «Úzdik HR-jobasy» atalymyna ǵana qatysyp, «Salalyq kásibı standartty ázirleý» jobasynda 2-shi oryndy jeńip aldy.
«QazMunaıGaz» kompanııasynyń «Úzdik HR-jobasy» atalymynda II dárejeli jeńimpaz atanǵanyn dáleldeıtin sertıfıkat pen talantty qazaqstandyq sheber Serik Rysbekov jasaǵan músinsheni «QazMunaıGaz» kompanııasynyń apparat basshysy Andar Shoqpytovqa «Samuryq-Qazyna» ulttyq ál-aýqat qory» aktsıonerlik qoǵamynyń basqarma tóraǵasy Ó.Shókeev tabys etti.
«QazMunaıGaz» kompanııasy kásibı standart ázirleýge 2009 jyly kirisken bolatyn. Qazirgi ýaqytta úzdik shetel tájirıbesi jáne qoldanystaǵy biliktilik anyqtamalaryn (BTBA jáne BA) eskere otyryp, kompanııa salalyq kásibı standarttyń ınnovatsııalyq ádistemesin ázirledi. Sonymen qatar osy ádisteme boıynsha munaı-gaz salasynyń negizgi baǵyttary boıynsha, atap aıtqanda barlaý men óndirýden bastap, munaı-gaz tasymaly, munaı ónimderi men gazdy óńdeý men satýǵa deıingi baǵyttar boıynsha kásibı standarttar jobasy ázirlendi.
Kásibı salalyq standartty engizý bıznesti eskere otyryp adam resýrstaryn sapaly basqaryp qana qoımaı, eńbek rynogyndaǵy jaǵdaıdy retteýge de múmkindik beredi.
