Astanada «Cargo Aviation Day» sharasy aıasynda áýemen tasymaldaýdyń álemdik úderisteri taldandy
Ony QR Kólik jáne kommýnıkatsııalar mınıstrligi, «Qazaqstan temir joly» Ulttyq kompanııasy» AQ, Qazaqstannyń «KAZLOGISTICS» Kólik odaǵy, Áýe kóliginiń halyqaralyq qaýymdastyǵy (IATA) birlese uıymdastyrdy. Bul týraly Qazaqstannyń «KAZLOGISTICS» Kólik Odaǵynyń baspasóz qyzmetinen habarlady. Forým jumysyna 100-den astam uıymdar qatysty. Sharanyń maqsaty - QR áýemen júk tasymaldaý salasyndaǵy ózekti jaılardy talqylaý, respýblıkada áýemen júk tasymaldaý habyn damytý, respýblıkanyń tranzıttik áleýetin damytýǵa kedergi keltiretin ózekti jaılary qarastyryldy. Dóńgelek ústel otyrysy kezinde áýemen tasymaldaýdyń álemdik úderisteri men salanyń bolashaǵy taldandy. Onyń ishinde geografııalyq ahýal. Júk habtarynyń ekonomıkalyq jáne quqyqtyq bazalaryn jasaqtaý, qazirgi tańdaǵy áýe tasymaldaý júıesiniń tehnologııalary, Qazaqstan áýe parkiniń júk tasymaldaýdaǵy strategııalyq damýyn zerdeleý, sondaı-aq turaqty júk tasymaly men jolaýshylar tasymaldaý kezindegi syıymdylyǵy joǵary quraldardy paıdalaný qarastyryldy. Sonymen qatar Keden Odaǵy aıasyndaǵy memleketterdiń tehnologııalary men kólik quraldarynyń qujattaryn birizdendirý, ımporttyq, eksporttyq jáne tranzıttik júkterge kedendik úderisterdi jeńildikpen paıdalanýdyń bolashaǵy saraptaldy. Arnaıy sessııada jańa halyqaralyq standarttardy óndiriske engizý, onyń ishinde 1999 jylǵy Monreal konventsııasy, óndiriske standarttyń e-freight tehnıkalyq sheshimin engizý, QR elektrondyq áýe ilespe qujatyn óndiriske engizý, kedendik resimdi elektrondyq qujattandyrýdyń Reseı tájirıbesi taldandy. "Cargo Aviation Day" baǵdarlamasynda elektrondyq e-AWB áýe ilespe júk qaǵazyn toltyrý men óndiriske engizý semınary boldy. Semınar kezinde 70 qatysýshy elektrondyq áýe ilespe qaǵazy men qujattardy toltyrý týraly maǵlumattar aldy. Qazaqstanda e-AWB qanatqaqty jobasyn engizýdiń múmkindigi talqylandy. Aıta ketý kerek, shara aıasynda Qazaqstannyń «KAZLOGISTICS» Kólik odaǵy men Azamattyq avıatsııanyń Innovatsııalyq ortalyǵy arasynda mýltımodaldyq tasymaldaýda biregeı elektrondyq qujattardy paıdalaný týraly Memorandýmǵa qol qoıyldy.
