Astanada cán ındýstrııasynyń mamandary bas qosady
ASTANA. QazAqparat - Astanada World Beauty Astana 2016 sulýlyq jáne sán baıqaýynyń álemdik grand-fınalynda eń úzdik dızaınerler, modelder jáne cán ındýstrııasynyń sarapshylary bas qosady. Baıqaý 2-6 qarasha aralyǵynda Astana qalasy ákimdiginiń qoldaýymen Beıbitshilik jáne kelisim saraıynda ótedi.
Qala ákimdiginiń saıtynyń habarlaýynsha, sharaǵa 6-dan 28 jasqa deıingi álemniń 30 elinen 75 qatysýshy jáne 50 qazaqstandyq daryn qatysady. Sulýlyq, modelder men dızaınerler arasyndaǵy baıqaýlardyń jeńimpazdary ózara saıysqa túsedi.
«Elordadaǵy festıval - barlyq sharalardyń qorytyndysy. Bas júlde - jobanyń áriptesi, tanymal kýtıýre Per Karden uıymdastyratyn Parıjdegi sán daryndarynyń festıvaline qatysýǵa 4 sertıfıkat, sondaı-aq, Máskeýdegi sán aptalyǵyna da sertıfıkattar bar, al Qazaqstan Sýretshiler odaǵy óz nomınatsııalaryn ázirleýde», - dedi INKARSEZIM corporation prezıdenti Gúlnár Júnisova.
World Beauty sulýlyq jáne sán baıqaýynyń negizi 2006 jyly Amerıkada qalanǵan. Álemdik grand-fınaldary AQSh-ta, Italııada, Frantsııada, Koreıada, al ótken jyly Vetnamda uıymdastyrylǵan. Astanada festıval aıasynda sulýlyq pen daryn (qyzdar men jigitterdiń arasynda) baıqaýy, sánbıkeler, modelder, dızaınerler jáne vızajıster konkýrstaryn ótkizý josparlanǵan.
