Astanada BUU, ıÝNESKO jáne TÚRKSOI basshylarynyń qatysýymen Mádenıetter jaqyndastyǵynyń halyqaralyq onjyldyǵyn ulyqtaýǵa baılanysty Halyqaralyq forým ótýde
ASTANA. 23 tamyz. QazAqparat - Búgin Astanada BUU, ıÝNESKO jáne TÚRKSOI uıymdary basshylarynyń qatysýymen Mádenıetter jaqyndastyǵynyń halyqaralyq onjyldyǵyn (MJHO) ulyqtaýǵa baılanysty Halyqaralyq forým ótip jatyr.
Forýmnyń ashylý saltanatynda sóz sóılegen Astana qalasynyń ákimi, ıÝNESKO jáne ISESKO isteri jónindegi QR Ulttyq komıssııasynyń tóraǵasy Imanǵalı Tasmaǵambetov Mádenıetter jaqyndastyǵynyń halyqaralyq onjyldyǵy bastamasy Qazaqstan Respýblıkasynyń syrtqy saıasattaǵy jahandyq mańyzǵa ıe iri bastamalarynyń biri ekenin basa aıtty.
«Egemen elimizdiń araıly Astanasynda ótip jatqan osynaý mańyzdy forýmda aıtqan árbir sózderińiz álemniń túkpir-túkpirine tarap, odan ári óz jalǵasyn tabatynyna senimdimiz», - dedi ol mártebeli meımandarǵa.
Búgingi shara 2012 jylǵy jeltoqsanda BUU Bas Assambleıasynda ıÝNESKO-men birigip, Qazaqstannyń bastamasymen qolǵa alynǵan 2013-2022 jyldarǵa arnalǵan Mádenıetter jaqyndastyǵynyń halyqaralyq onjyldyǵyn ulyqtaýǵa arnalyp otyr.
Forýmnyń negizgi maqsaty mádenıetaralyq suhbattyń odan ári damýy úshin jańa jahandyq kún tártibin jáne mádenıetter jaqyndastyǵynyń halyqaralyq onjyldyǵy aıasynda beıbitshilk jáne turaqtylyq úshin mádenı ártúrlilikti qalyptastyrýmen baılanysty máselelerdi talqylaý maqsatynda halyqaralyq saıası, akademııalyq jáne isker ortanyń, sondaı-aq, azamattyq qoǵam men ÚEU-nyń basshylaryn biriktirip, bastaryn qosý bolyp tabylady.
Forýmnyń qurmetti qonaqtary retinde ıÝNESKO Bas dırektory Irına Bokova, BUU órkenıetter alıansynyń Joǵary ókili N. Ál-Nasser, TÚRKSOI Bas dırektory D. Qaseıinov, BUU-nyń Bilim alý quqyǵy jónindegi arnaıy baıandamashysy K. Sıngh, Latyn mádenıet akademııasynyń Bas hatshysy K. Mendes, 1986 jylǵy Nobel syılyǵynyń laýreaty, jazýshy V. Shoıınka shaqyryldy. Sondaı-aq, QR Parlamenti depýtattary, ıÝNESKO jáne ISESKO isteri jónindegi QR Ulttyq komıssııasynyń músheleri, ıÝNESKO-nyń bıik deńgeıli tobyna kiretin halyqaralyq uıymdardyń basshylary men tanymal tulǵalar jáne 30-dan asa memlekettiń etıka jáne mádenıetaralyq kommýnıkatsııa, bilim jáne mádenı mura jónindegi sarapshylary, elimizdiń belgili ǵalymdary, mádenıet jáne óner qaıratkerleri qatysty.
