Astanada BUU-nyń Qazaqstandy damytýǵa baǵyttalǵan ıÝNDAF baǵdarlamasynyń tanystyrylymy ótti
ASTANA. Qańtardyń 27-si. QazAqparat /Aıdar Ospanalıev/ -Birikken Ulttar Uıymynyń 2010-2015 jyldardy qamtıtyn ıÝNDAF baǵdarlamasyn qoldaý úshin qajetti qarjy kólemi 79,64 mıllıon AQSh dollaryn quraıdy dep kútilýde.
Sonymen qatar birqatar jobalardy elimizdiń Úkimeti qosymsha qarjylandyratyn bolady. Bul týraly búgin
BUU-nyń Qazaqstannyń damýyna kómektesý maqsatyndaǵy 2010-2015 jyldardy qamtıtyn (ıÝNDAF) negizgi baǵdarlamasynyń tanystyrylymynda málim boldy, dep habarlaıdy QazAqparat.
Baǵdarlamanyń tanystyrylý rásimine memlekettik organdar men Parlament ókilderi jáne BUU-nyń agenttikteriniń qyzmetkerleri qatysty.
Esterińizge sala keteıik, bul baǵdarlama boıynsha Qazaqstan Úkimeti men BUU-y basty úsh strategııalyq baǵyt boıynsha birlesip qımyldamaq. Jıyn barysynda baǵdarlamanyń maqsat-mindetterine toqtalǵan Syrtqy ister mınıstriniń orynbasary Qaırat Omarovtyń sózine qaraǵanda, baǵdarlama aıasynda atqarylatyn sharalar «Qazaqstan-2030» baǵdarlamasy men BUU-nyń myńjyldyqtar deklaratsııasyna sáıkes júzege asyrylmaq. Úsh baǵytyń birinshisi azmattardyń ekonomıkalyq-áleýmettik baqýattylyǵyn qamtýǵa baǵyttalsa, ekinshi baǵyt tıimdi memlekettik basqarý sharalaryna qatysty. Al úshinshi baǵyt qorshaǵan ortany qorǵaý salasymen baılanysty bolyp otyr. «Baǵdarlamany júzege asyrý barysynda eldegi áleýmettik jaǵynan álsiz toptardyń jaǵdaıyna: atap aıtqanda áıelder men mıgranttardyń balalaryna, bosqyndar men jastardyń qarttar men múmkindigi shekteýli jandardyń jaǵdaılaryna jiti kóńil bólinedi. Sondaı-aq azamattyq qoǵam men adam quqyqtary máseleleri basty nazarda bolady. Buǵan qosa taǵy klımattyń jahandyq ózgerý úderisi de ózekti máselelerdiń biri retinde qarastyrylady», dedi vıtse-mınıstr.
Onyń sózine qaraǵanda, qazirgi tańda BUU agenttikteri qarjylandyratyn jobalar sany ýaqyt ótke saıyn kemı túsýde. Sebebi Qazaqstan ekonomıkasy kún ótken saıyn kúsheıip keledi. Sonymen qatar onyń sózine qaraǵanda, Qazaqstannyń BUU-nyń myńjyldyqtar deklaratsııasyn qabyldaǵaly beri úlken jetistikterge qol jetkizdi. Soǵan qaramastan ana men bala, Juqtyrylǵan qorǵanysh tapshylyǵynyń belgisi men Adamnyń qorǵanysh tapshylyǵynyń qozdyrǵyshy, týberkýlez, qorshaǵan ortany qorǵaý sııaqty problemalar áli de bolsa ózektilign joǵaltqan joq. «Osyǵan oraı jańa baǵdaralama aıasynda biz BUU-nyń múmkindikterin tıimdi paıdalanǵan Qazaqstan 2015 jylǵa qaraı jańa jetistikterimen kórinedi degen oıdamyn», dedi Qaırat Omarov.
