Astanada BUU-nyń 80 jyldyǵyna arnalǵan fotokórme ashyldy
ASTANA. KAZINFORM – «BUU – 80: Shynaıylyq» kórmesinde buryn jarııalanbaǵan 80 fotosýret qoıylǵan. Іs-sharany uıymdastyrýshylar óz kezeginde kórmeniń tsıfrlyq nusqasyn jasaý jáne qysqa derekti fılm daıyndaý josparlanyp otyrǵanyn aıtty.
– Jyl basynda stýdentterge dárister ótkizdik. Bul is-sharalar 2025 jyldyń sońyna deıin jalǵasady. Bolashaqta kópshilikke qoljetimdi bolýy úshin tsıfrlyq nusqa men derekti fılm jasaıtyn jospar bar, - dedi BUU-nyń Qazaqstandaǵy Turaqty úılestirýshisi Sarango Radnaaragchaa.
Sarangonyń aıtýynsha, búgingi kórme – Prezıdenttik ortalyqpen birge uıymdastyrǵan eń tabysty birlesken jobanyń biri.
– «BUU jáne men» bólimi arqyly árbir múddeli tarap BUU-men qalaı yntymaq quratynyn bile alady. Bir jyl ishinde shamamen 100 myń adam BUU-nyń trenıngteri men ekonomıkalyq qoldaýynan paıda kórgen, - dedi ol.
Kórmede kelesideı fotosýretterdi baıqaýǵa bolady:
Kúndelikti otyrystar men mıssııalardy áserli oqıǵaǵa aınaldyratyn erekshe rakýrstar;
Dıplomatııa men halyqaralyq saıasattyń «syrt kózge kórinbeıtin» sátteri;
Beıbitshilik, gýmanızm jáne jasampazdyq jolyna ómirin arnaǵan adamdardyń shynaıy portretteri.
Buǵan deıin Shymbulaq taý-shańǵy kýrortynda BUU-nyń 80 jyldyǵyna arnalǵan mýral ashylǵanyn jazǵanbyz.
Kamıla MÚLІK