Astanada burynǵy Bilim jáne ǵylym vıtse-mınıstrine qatysty sot otyrysy jalǵasýda
ASTANA. QazAqparat - Elordanyń №2 Almaty aýdandyq sotynda burynǵy Bilim jáne ǵylym vıtse-mınıstri Saıat Shaıaxmetovke qatysty sot otyrysy ótti, dep xabarlaıdy QazAqparat.
Qylmystyq is boıynsha "QR bilim jáne ǵylym nysandary dırektsııasynyń" bas dırektory Aleksandr Pak ta kúdikti retinde sot aldynda jaýap berýde. Olar 2011 jyly Óskemende 700 orynǵa arnalǵan mashına jasaýshylardy daıyndaý jáne qaıta oqytý ortalyǵy nysanynyń qurylysyna bólingen bıýdjettik qarajatty talan-tarajǵa saldy dep kúdiktelýde. Búgingi sot otyrysynda eki kúdiktiden de jaýap alyndy. Sonymen qatar 2009-2012 jyldary Bilim jáne ǵylym vıtse-mınıstri qyzmetin atqarǵan, búginde M.H. Dýlatı atyndaǵy Taraz memlekettik ýnıversıtetiniń rektory Maxmetǵalı Sarybekov te birqatar saýaldarǵa jaýap berdi.
Sot otyrysy 3 saǵatqa jalǵasty jáne kelesi otyrys 5 sáýirge belgilendi.
Eske sala keteıik, is 1,5 mlrd teńgeni jymqyrý faktisi boıynsha qozǵalǵan atalmysh qylmystyq isti Qarjy polıtsııasy 2013 jyly bastaǵan bolatyn.
Kúdiktiler 2013 jyly mamyrda qamaýǵa alyndy. Sot Astanada 15 naýryzda bastaldy.
