Astanada burynǵy bilim vıtse-mınıstrine qatysty sot úkimi shyqty
ASTANA. QazAqparat - Astananyń №2 Almaty aýdandyq sotynda QR Bilim jáne ǵylym burynǵy vıtse-mınıstri Saıat Shaıahmetovke qatysty sot úkimi shyqty, dep habarlaıdy QazAqparat.
Sot sheshimimen Saıat Shaıahmetov ózine senip tapsyrylǵan qarajatty qoldy etip, maqsatsyz jumsaǵany úshin aıypty dep tanyldy.
«Saıat Shaıahmetov QR QK 176-baby 4 «B» tarmaqshasy boıynsha kináli dep tanyldy jáne ol qylmystyq jolmen tabylǵan múlkin tárkileýmen qatar 7 jyl bas bostandyǵynan aıyrý jazasyna kesildi. Sonymen qatar Shaıahmetov memlekettik organdarda 5 jyldan astam ýaqytqa qyzmet isteý quqyǵynan aıyryldy», - dedi sottyń baspasóz qyzmetinen.
Onyń sybaılasy "QR Salynyp jatqan bilim jáne ǵylym nysandary dırektsııasy" JShS-nyń basshysy Aleksandr Paktyń jazalaý merzimi 6 aıǵa kóp.
Aleksandar Pak QR QK 176-baby 4 «B» tarmaqshasy boıynsha kináli dep tanyldy jáne ol qylmystyq jolmen tabylǵan múlkin tárkileýmen qatar 7 jyl 6 aı bas bostandyǵynan aıyrý jazasyna kesildi. Onyń ústine ol memlekettik organdarda 5 jyldan astam ýaqytqa qyzmet isteý quqyǵynan aıyrylady.
Sottalýshylar apellıatsııaǵa 15 kúnniń ishinde bere alady.
Eske salsaq, bir jarym mıllıard bıýdjettik qarajatty ıelenip, jumsaý faktisi boıynsha qylmystyq isti qarjy polıtsııasy 2013 jylǵy sáýirde qozǵaǵan. Aqsha Óskemendegi 700 oryndyq bilim berý mekemesin salýǵa bólingen. 2013 jyly mamyrda qylmys jasady degen kúdikpen vıtse-mınıstr Saıat Shaıahmetov pen "QR Salynyp jatqan bilim jáne ǵylym nysandary dırektsııasy" JShS bas dırektory A. Pak ustaldy.
