Astanada buryn sottalǵan adamdardy qaıta áleýmettendirý júıesiniń tıimdiligin arttyrýǵa baǵyttalǵan forým ótedi
«Resotsıalızatsııa: Sen qoǵamǵa kereksiń! Ty nýjen obşestvý! Sosiety needs you!» atty jobanyń bastaýyna arnalatyn bul Forým buryn sottalǵan adamdardy zańǵa baǵynýshy azamattar retinde qoǵamǵa reıntegratsııalaýǵa baǵyttalǵan. Forýmdy birigip uıymdastyrýshylar - Parlament Májilisiniń Sot-quqyqtyq reforma jáne zańnama komıteti, Joǵarǵy Sot, Іshki ister mınıstrligi, «Nur Otan» partııasy janyndaǵy Quqyqtyq keńes, EYQU-nyń Astanadaǵy Keńsesi jáne Bas prokýratýranyń janyndaǵy Quqyq qorǵaý organdarynyń akademııasy. Osyǵan deıin Bas prokýratýranyń bastamasymen «túrme reformalary» máseleleri boıynsha eki forým ótkizilgen bolatyn. Onda kóterilgen jobalardyń iske asýy sońǵy úsh jyldyń ishinde elimizdiń «túrmedegi adamdar sany» boıynsha halyqaralyq reıtıngindegi 35-shi orynnan 55-shi orynǵa deıin joǵarylaýyna múmkindik berdi. Uıymdastyrylyp otyrǵan bul forým budan buryn ótken jıyndar sııaqty Memleket basshysynyń penıtentsıarlyq júıeni reformalaý aıasyndaǵy tapsyrmalaryn iske asyrýǵa arnalǵan jáne buryn sottalǵan adamdardy qaıta áleýmettendirý júıesiniń tıimdiligin arttyrýǵa baǵyttalǵan.