Astanada «Burqasyn» qysqy festıvali ótip jatyr
ASTANA. QazAqparat - Esil ózeniniń jaǵalaýynda ótip jatqan qysqy sporttyq sharaǵa 1500 adam qatysýda, dep habarlaıdy QazAqparat tilshisi.
«Búgin «Burqasyn - 2019» festıvali saltanatty túrde ashyldy. Atalmysh is-shara shańǵy jarysy, gir tasyn kóterý, qol kúresi, shaıbaly hokkeı, belbeý kúresi, qysqy shaǵyn fýtbol, arqan tartys jáne motosport sekildi sporttyń 8 túrinen ótýde. Sporttyq sharaǵa 1500 astam adam qatysyp jatyr», - dep jazdy Astana qalasy mádenıet jáne sport basqarmasynyń basshysy Bolat Majaǵulov óziniń Feısbýk paraqshasynda.
Sharaǵa demalysyn kóńildi ótkizgisi keletin qala turǵyndary men qonaqtary jınaldy. Kópshilik shanamen syrǵanap, shańǵy teýip, hokkeı men qysqy fýtbol oınaýda. Ár jarystyń qorytyndysy boıynsha jeńimpazdar anyqtalyp, olarǵa medal jáne baǵaly syılyqtar tabys etiledi. 
Aıta ketsek, atalǵan qysqy sporttyq festıvalge densaýlyǵyna qaraı barlyq nıet bildirýshiler qatysa alady. Tirkelý úshin jeke kýálik qajet. Qatysýshylardyń jeke sporttyq kerek-jaraqtary bolǵany jón, qajet bolǵan jaǵdaıda ony jalǵa alýǵa bolady.
