Astanada «Burqasyn-2014» shańǵy festıvali ótip jatyr
ASTANA. QazAqparat - Búgin Astanada «Burqasyn 2014» atty qysqy maýsymnyń jabylýyna oraı dástúrli shańǵy festıvali ótýde.
Bul týraly astana.kz saıtyna qalalyq Týrızm, dene shynyqtyrý jáne sport basqarmasynan habarlady.
Іs-sharanyń uıymdastyrýshysy - Astana qalasynyń ákimdigi. Alǵash ret «Burqasyn» shańǵy jarysy «Vechernıaıa Astana» qalalyq gazettiń bastamasymen 2000 jyldyń 26 aqpanynda ótse, búginde ol búkilqalalyq dárejedegi sporttyq dástúrge aınaldy. Jarysqa sportshylar da, áýesqoılar da qatysýda.
2009 jyly «Burqasyn» festıvaline 500-ge jýyq adam atsalyssa, búginde bul kórsetkish myńdaǵan janǵa jetip otyr. Bıylǵy básekege ishki spartakıadalardyń jeńimpazdary - mektep oqýshylary, stýdentter men oqytýshylar, elordalyq memlekettik qurylymdar, kásiporyndar, Respýblıkalyq Ulan jáne kúsh qurylymdarynyń qyzmetkerleri, ÁOSK jáne «Dınamo» SK músheleri, qala qaýymdastyqtardyń ókilderi, sondaı-aq elordanyń basqa da turǵyndary men qonaqtary qatysýda.
Shańǵy jarysy saǵat 11.00-de Esil ózeninde bastaldy. Іs-shara baǵdarlamasyna erler, áıelder, qyzdar, jigitter, balalar, zeınetkerler men múmkindigi shekteýli jandar arasyndaǵy shańǵy jarysy enip otyr.
Bul kúnniń basty básekesi - shańǵy jarysynan basqa, gir tasyn kóterý, armreslıng, shaıbaly hokkeı, qar ústinde belbeý kúresi, qysqy shaǵyn fýtbol, arqan tartys, buqa tartys ta qamtylǵan.
